Pútin skorar á bandarísk yfirvöld

Vladimar Pútin, forseti Rússlands, skorar á bandarísk yfirvöld að sýna fram á sannanir á vettvangi Sameinuðu þjóðanna, um að sýrlensk stjórnvöld hafi beitt efnavopnum gegn íbúum landsins.

Á fréttavef BBC kemur fram að Pútin telji það fráleitt að sýrlensk stjórnvöld hafi beitt efnavopnum og þannig ögrað alþjóðsamfélaginu eins og talið er.

Talið er að 1429 hafi fallið í efnavopnaárásinni þann 21. ágúst síðastliðinn.

Rannsóknarteymi á vegum Sameinuðu þjóðanna sem kannaði staðhæfingarnar hafa lokið störfum en talið er að þeir hafi meðal annars tekið sýni úr jarðveg, hári og blóði þeirra sem komust af og líkum fórnarlamba.

Sýrlensk yfirvöld hafa hafnað því alfarið að þeir standi á bak við efnavopnaárásina.