Obama vill beita vopnum gegn Sýrlandi

Barack Obama tilkynnti á blaðamannafundi fyrir utan Hvíta húsið fyrir stundu að bandarísk yfirvöld gætu ekki litið framhjá efnavopnahernaði í Sýrlandi og myndi beita vopnum gegn landinu.

Obama sagðist þó vilja leita samþykkis hjá bandaríska þinginu fyrir aðgerðunum. Hann vill ða þingið komi saman á næstu dögum og greriði atkvæði um málið.

Enn á eftir að vinna úr sýnum sem teymi á vegum Sameinuðu þjóðanna söfnuðu á dögunum en teymið héltheim á leið í dag. Búist er við að niðurstaða fáist ekki fyrr en eftir nokkrar vikur.

Stjórn Sýrlands neitar alfarið að hafa beitt efnavopnum fyrr í ágúst þar sem yfir 1400 eiga að hafa látið lífið. Reynist rétt að efnavopnum hafi verið beitt eru það alvarlegustu efnavopnaaðgerðir síðan í um tvo áratugi.