Segja tugi liggja í valnum eftir efnavopnaárás

Tugir eru látnir í Sýrlandi eftir efnavopnaárás í Ghouta héraði sem er austur af höfuðborginni Damaskus. Þetta fullyrða uppreisnarmenn í landinu sem segja stjórnvöld að baki árásunum sem sagðar eru hafa verið gerðar snemma í morgun.

Frá þessu er greint á vefsíðu breska ríkisútvarpsins. Sendinefnd frá Sameinuðu þjóðunum kom til Sýrlands á Sunnudag og er henni ætlað að kanna fyrri ásakanir af þessu tagi en stjórnarher Al Assads forseta hefur áður verið sakaður um að nota þessi ólöglegu vopn í baráttunni gegn uppreisnarmönnum.