Merkel heimsótti Dachau

Angela Merkel Þýskalandskanslari heimsótti í morgun útrýmingarbúðirnar í Dachau, þar sem Nasistar myrtu um þrjátíu þúsund manns í seinni heimsstyrjöldinni. Þetta er í fyrsta sinn sem þýskur kanslari heimsækir staðinn.

Í stuttri ræðu sagði Merkel að á staðnum hafi helst yfir sig djúp sorg og mikil skömm. Hún sagði Dachau vera varnaðarmerki sem minnti fólk á að standa ekki aðgerðarlaust og horfa á þegar voðaverk væru framin.

Heimsóknin er hluti af kosningabaráttu Merkel og hefur hún verið gagnrýnd fyrir þá sök að næsti viðkomustaður var stórt bjórtjald þar sem átti að slá upp baráttufundi. Þetta segja úrtölumenn vera smekklaust.