Úrskurðaður látinn en lifnaði við

Tony Yahle, 37 ára gamall bifvélavirki frá Ohio, fór í hjartastopp hinn 5. ágúst síðastliðinn og var stuttu síðar úrskurðaður látinn á sjúkrahúsi. Það var svo 45 mínútum síðar að Yahle vaknaði til lífsins, læknateyminu til mikillar undrunar.

"Á síðustu tuttugu árum hef aldrei séð neinn sem er úrskurðaður látinn en vaknar síðan aftur. Ég hef aldrei séð þetta," sagði hjartaskurðlæknirinn Dr. Raja Nazir í samtali við fréttamiðilinn Dayton Daily News. 

Læknar gátu ekki fundið neitt sem amaði að hjarta Yahle og því telja þeir að hjartastoppið megi rekja til einhverskonar veirusýkingar. 

Það er USA today sem greinir frá.