Útvarpskona beraði brjóstin í viðtali við borgarstjórann

Borgarstjórinn, Walter Grey Kelowna í Kanada varð undrandi þegar fjölmiðlakona klæddi sig úr að ofan í miðju viðtali sem hún átti við hann. Eins og sést á myndbandinu hér að neðan þá hélt hann samt andlitinu á meðan á viðtalinu stóð.

Konan tók viðtalið við Walter í því skyni að spyrja hann hvað myndi gerast ef hún gengi um berbrjósta um götur borgarinnar. Borgarstjórinn sagði að eflaust myndi einhver hringja í lögregluna en það væri lítið sem hún gæti gert, þar sem það væri ekki ólöglegt að ganga um ber að ofan í Kelowna.

Aðspurður taldi hann ástæðuna fyrir því að fáar konur gengju um berar að ofan líklega vera þá að konum þætti það ósiðlegt.

Fjölmiðlakonan spurði borgarstjórann hvort hann væri meðvitaður um þá staðreynd að undir fötunum væru allir naktir. Borgarstjórinn sagðist vita af því, sjálfur hefði hann fæðst nakinn.

Ástæðan fyrir viðtalinu var frétt um konu sem fór úr blússunni sinni á veitingastað í New York, þar tjáði veitingamaðurinn henni að það væri ólöglegt að vera í engu að ofan. Nema á götum úti og á ströndinni. Vildi fjölmiðlakonan kanna hvort sömu  lög giltu í Kelowna og svo virðist ekki vera.