Þriggja ára stúlka varð undir jarðýtu

Þriggja ára stúlka lést þegar jarðýta keyrði yfir hana þar sem fjölskylda hennar reyndi að stoppa framkvæmdir á landinu þeirra í suðausturhluta Kína. Þetta kemur fram í frétt DailyMail.

Fjölskyldan átti í deilu vegna  yfirtöku á landinu þeirra og faðir stúlkunnar spurði yfirmann vinnumanna hvort væri verðmætara, mannslíf eða yfirtaka landsins.

Yfirmaðurinn svaraði því að yfirtakan væri mikilvægari.

Faðir stúlkunnar segir að svona deilur séu algengar í Kína, þar sem yfirvöld eru að taka yfir landareignir fólks til í því skyni að þétta byggð. Í Kína sé verið að taka heilu bæina í gegn og spillt yfirvöld séu að taka lönd af fólki með valdi.