Drap eiginkonuna eftir 65 ára hjónaband

Dönsk hjón sem gift höfðu verið í 65 ár fundust látin í húsi í Slangerup í Danmörku í morgun. Talið er að maðurinn, sem var 89 ára gamall, hafi skotið eiginkonu sína með haglabyssu en hún var 83 ára. Hann hafi í kjölfarið svipt sig lífi.

"Þau voru mjög hamingjusöm og voru búin að vera saman nánast allt lífið. Á miðvikudaginn ætluðu þau að halda upp á króndemantsbrúðkaup en veislunni var aflýst á síðustu stundu því að konan þurfti að leita á sjúkrahús," segir heimildarmaður sem þekkti til fjölskyldunnar í samtali við Bt.dk.



Lögreglan á Norður-Sjálandi vildi ekki tjá sig um málið en samkvæmt upplýsingum fréttavefsins var það dóttir hjónanna sem fann þau látin í svefnherbergi hússins.