Olli dauða systur sinnar

Hin tvítuga Rosie-Ann Stone lenti nýverið í hörðum árekstri á hraðbraut í Bretlandi við bíl sem kom úr gagnstæðri átt. Við áreksturinn missti ökumaður hins bílsins stjórn á bílnum og hafnaði á tré með þeim afleiðingum hann lést. Rosie var stuttu síðar tilkynnt að látni ökumaðurinn hefði verið eldri systir hennar, Jennie.

Rosie-Ann hafði ekki minnstu hugmynd um að systir hennar væri á sama vegarkafla og hún, en Jennie hafði verið á leið heim eftir að hafa skutlað níu ára syni sínum í skólann.

Rosie-Ann er sökuð um að hafa ekki litið í spegilinn áður en að hún gerði tilraun til þess að taka fram úr. Hún kvaðst saklaus af manndrápi af gáleysi fyrir dómi.

Saksóknari málsins, Clive Jones, sagði í réttinum að mál eins og þessi væru alltaf erfið. Rosie-Ann var sleppt gegn tryggingu þar til 5. september en þá verður málið tekið fyrir að nýju.

Þetta er þó ekki eini harmleikurinn sem hefur hent fjölskylduna. Í fyrra var bróðir stúlknanna, hermaðurinn Gregg Stone, skotinn til bana við störf sín í Afganistan. Hann hafði einungis verið við störf í tæpan mánuð þegar hann lést en stuttu áður fékk hann að vita að eiginkona sín, Samantha, ætti von á fyrsta barni hjóna.

Nánar er fjallað um málið á Daily Mail.