Heimilislausum fjölgar í Danmörku

Heimilislausum í Danmörku hefur fjölgað jafnt og þétt síðustu árin. Í ár eru allt að 5.844 einstaklingar heimilislausir, 850 fleiri en þeir sem bjuggu á götunni fyrir fjórum árum, og er þetta er aukning upp á 18%.

"Helsta ástæða aukningarinnar er skortur á ódýrum húsnæðum í stærstu bæjarhlutum landsins," segir Lars Benjaminsen hjá félags- og velferðarþjónustunni SFI.

Ástandið er einna verst í Kaupmannahöfn og í Árósum en frá árinu 2009 hefur heimilislausum í höfuðborginni fjölgað úr 1494 einstaklingum og upp í 1930.

Í Árósum er aukningin frá sama ári heil 32%.

"Þetta er gríðarlega vont ástand fyrir fólk á atvinnuleysisbótum og fyrir þá íbúa sem verða að fá þak yfir höfuðið eins fljótt og auðið er. Hluti þessa fólks endar á götunni eða á sófanum hjá fjölskyldu eða vinum," segir Lars.

Það er Politiken.dk sem segir frá.