Bandaríska þjóðin ætti að þakka Snowden

Forseti Bandaríkjanna, Barack Obama, lýsti því yfir í vikunni að hann hyggist endurskoða og laga starfsemi eftirlitsstofnana Bandaríkjanna sem og leyniþjónustunnar.

Með þessari yfirlýsingu hefur uppljóstrarinn, Edward Snowden fengið uppreisn æru, að mati Julian Assange, stofnanda Wikileaks.

Assange sagði á vefsíðu Wikileaks að mikilvægi uppljóstrana Snowdens væri nú staðfest. Sjálfur hefði Snowden óttast að hann kæmi fram með þessar upplýsingar án þess að nokkuð breyttist hjá bandarískum yfirvöldum.

Assange sagði að bandaríska þjóðin og heimurinn allur stæði í þakkarskuld við Snowden.