Yfir 40 nýjar tegundir fundust í frumskógarleiðangri

Yfir 40 nýjar dýrategundir hafa fundist í Papúa Nýja-Gíneu. Það voru vísindamenn sem fundu dýrin í leiðangri niður í kílómetra djúpan gíg á fjallinu Bosavi þar sem þeir könnuðu ósnorta og áður ókannaðan frumskóg. Þetta kemur fram í frétt The Guardian.

Leiðangurinn tók fimm vikur og meðal þess sem vísindamennirnir fundu voru sextán tegundir froska sem enginn hefur áður vitað um. Þeir fundu líka þrjár nýjar tegundir fiska, nýja tegund leðurblöku og risa stóra vígtennta rottu sem kann að vera sú stærsta í heiminum.

Skógurinn hefur verið einangraður frá því að eldfjallið sem eru undir Bosavi fjallinu gaus fyrir um 200 þúsund árum víðan.

Fundurinn þykir sönnun þess að margt er ókannað í heiminum og vonast vísindamennirnir til þess að fundurinn verði til þess að vekja athygli á þörf fyrir alþjóðlegaum aðgerðum til verndunar og könnunar á óþekktum vistkerfum.