Fleksnes látinn

Norski leikarinn Rolv Wesenlund er látinn 76 ára að aldri eftir langvarandi baráttu við veikindi.

Wesenlund var einn frægasti leikari Norðmanna en Íslendingar sem komnir eru yfir fertugt muna kannski helst eftir honum í hlutverki ólíkindatólsins Fleksnes, sem kitlaði hláturtaugar íbúa Norðurlanda um margra ára skeið í norskum sjónvarpsþáttum á árunum 1970 til 1980 og þegar þættirnir voru endurvaktir á árunum 1995 til 2002.

Wesenlund starfaði einnig sem söngvari, revíuhöfundur og þáttagerðarmaður og lék í norskum leikhúsum.