Handjárnaði sig við konu sem hékk fram af háhýsi

Kínverskur lögreglumaður í Bejing greip til sinna ráða þegar hann þurfti að bjarga konu sem hékk fram af háhýsi og handjárnaði sig við konuna til þess að hífa hana upp. Frá þessu greinir á Huffington Post.

Virðist konan hafa ætlað að taka líf sitt með því að hoppa fram af auglýsingaskilti. Ekki er vitað hver ástæðan að baki sjálfsmorðstilrauninni var. Lögregla var kölluð til þegar ljóst var í hvað stefndi og hafði aðeins örskamma stund til þess að sannfæra konuna um að hætta við og grípa til björgunaraðgerða.

Lögreglumaðurinn vildi sýna konunni að honum væri alvara með að ætla sér að bjarga henni og því handjárnaði hann sig við hana og henti lyklinum burt. Reipi var síðan bundið um hana miðja og hún dregin upp.