Ástsjúkur gíslatökumaður í Ingolstadt

Angela Merkel kanslari Þýskalands hefur hætt við að koma fram á kosningafundi í þýsku borginni Ingolstad en í morgun réðst vopnaður maður inn í ráðhús borgarinnar og tók þar gísla. Í fyrstu voru þrír í haldi en maðurinn hefur nú sleppt tveimur þeirra.

Ein kona er enn í haldi mannsins en hann mun hafa hrellt hana ítrekað síðustu mánuði, heltekinn af ást í hennar garð. Innanríkisráðherra Bæjaralands hefur rætt við manninn í gegnum síma en áður hafði honum verið bannað að koma inn í ráðhúsið vegna áreitis í garð konunnar. Um 200 lögreglumenn hafa umkringt ráðhúsið og er unnið að því að fá manninn til að gefast upp.