Fannst látinn á heimili Oliviu Newton-John

Karlmaður fannst látinn á heimili áströlsku söng- og leikkonunnar Oliviu Newton-John í Flórída í dag með skotsár eftir haglabyssu. Talið er að maðurinn hafi framið sjálfsvíg, en Newton-John var fjarverandi ásamt fjölskyldu sinni vegna framkvæmda sem fram fara í húsinu.

Maðurinn, sem er 42 ára verktaki, er sagður hafa sést grátandi fyrr um daginn, en lögreglan í palm Beach fer með rannsókn málsins. Maðurinn er ekki talinn tengjast Newton-John á nokkurn máta annan en þann að hafa verið ráðinn af henni sem verktaki.