Fyrsti stofnfrumuhamborgarinn matreiddur í dag

Fyrsti hamborgarinn sem búinn er til úr kjöti ræktuðu úr stofnfrumum var matreiddur í dag. Það er hollenski vísindamaðurinn Mark Post sem er maðurinn á bak við borgarann en hann fullyrðir að kjöt ræktað úr stofnfrumum sé margfalt sjálfbærri leið til að mæta aukinni eftirspurn en að rækta dýr til slátrunar.

Efasemdarmenn eru hinsvegar á öðru máli og hafa ítrekað sagt að betra væri að stemma stigum við eftirspurninni með því að borða minna af kjöti. Það tók Post tíu ár að framleiða borgarann og rúmar 38 milljónir króna í rannsóknakostnað.

Post segir að verði framleiðslan að veruleika muni umhverfisáhrif kjötframleiðslu að öllum líkindum minnka um allt að 60%. Þeir sem brögðuðu á þessum hávísindalega borgara voru á því að enginn munur hafi verið á honum og öðrum hefðubundnari gæðaborgurum.