Fundust eftir fjörutíu ár í skóginum

Víetnamskir feðgar sem flúðu inn í skóg landsins fyrir um fjórum áratugum fundust á dögunum. Þetta kemur fram í frétt BBC. 

Í langan tíma vissi enginn að þeir hefðu flúið í skóginn. Eftir að í ljós kom að þeir hefðu farið þangað á meðan á stríðinu stóð, hófst leit að þeim og þeir fundust loks í tréhúsi þar sem þeir hafa búið.

Á meðan á skógardvölinni stóð, klæddust feðgarnir í lendarskýlur og notuðu heimatilbúnar axir til að fella niður tré. Þeir lifðu á korni, ávöxtum og veiddu sér dýr til matar með örvum og hnífum.

Þeir munu nú fá læknisaðstoð og hjálp til að aðlagast samfélaginu á ný.