77 farast í lestarslysi

Mannskætt lestarslys varð á Spáni í nótt þegar farþegarlest fór út af spori sínu í nótt.

Tala látinna er komin í 77 og yfir 100 slösuðust. Þetta var nálægt hinni fornu borg Santiago de Compostella.

Þetta er versta lestarslys á Spáni í yfir 40 ár. Lestin var á hraðleið frá borginni Madríd til Ferrol og fóru átta vagnar hennar út af spori í beygju.

Ekki er talið að um hryðjuverk sé að ræða heldur slys og/eða gáleysi en fréttir herma að lestinni hafi verið ekið allt of hratt, allt að tvöföldum hraða.