Ung stúlka hvatti til hópnauðgunar

Ung stúlka er sökuð um að hafa hvatt þrjá drengi til að hópnauðga bekkjarsystur sinni, en hún á að hafa myndað nauðgunina og dreift myndunum um skólann í gegnum veraldarvefinn.

Atvikið átti sér stað í bænum Saratoga í Norður-Karólínu í Bandaríkjunum seint á síðasta ári. Hin fimmtán ára gamla Audrie Pott fór í partý með skólasystkinum sínum þar sem hún dó áfengisdauða og vaknaði upp við að drengir sem hún hafði þekkt um árabil voru að misnota hana kynferðislega. Þeir teiknuðu og skrifuðu meðal annars fúkyrði á líkama hennar með tússpenna og tóku myndir af athæfinu sem var svo dreift á milli skólafélaga þeirra á stafrænu formi. Audrie framdi sjálfsmorð í kjölfar atburðanna.

Drengirnir voru handteknir vegna málsins og mál höfðað gegn þeim vegna vörslu og dreifingu barnakláms. Þeir eru nú í stofufangelsi á meðan þeir bíða réttarhalda.

Foreldrar Audrie hafa nú einnig höfðað mál gegn 15 ára stúlku sem er talin hafa verið í herberginu á meðan misnotkunin átti sér stað. Hún á að hafa hvatt drengina til að misnota Audrie og myndað athæfið. Þá á hún að hafa tekið þátt í að dreifa efninu. Hún er einnig sökuð um að hafa logið í yfirheyrslu til að hylma yfir með drengjunum.

Herald Sun greinir frá.