Björguðu fyrst þeim sem áttu mesta lífsmöguleika

Læknar á vettvangi rútuslyss í suðurhluta Ítalíu í gær þurftu að vega og meta hverjir ættu mesta möguleika á að lifa af áður en þeir ákváðu hverjum ætti að bjarga fyrst úr flakinu.

Að minnsta kosti 38 eru látnir eftir slysið, sem varð þegar rúta ók í gegnum steypta hliðartálma á fjallvegi um 60 kílómetra frá Napólí og steyptist ofan í skógi vaxið gil.

„Við þurftum að meta aðstæður og það hvaða farþegar litu mest út fyrir að lifa af,“ segir Maurizio Abbenante, einn af þeim fyrstu á slysstað.

Þrátt fyrir mikið manntjón voru tíu farþegar nógu vel á sig komnir til að ganga frá brakinu eftir að þeim var bjargað, þar á meðal allir meðlimir fjögurra manna fjölskyldu.

Ekki er vitað hvað olli slysinu, en bílstjórinn var meðal þeirra sem létust.