Pablo Escobar Ítalíu handtekinn

Lögregluyfirvöld í Kólumbíu segja að Roberto Pannunzi, foringi ítölsku mafíunnar Calabrían, hafi verið handtekinn, en mafían stendur á bak við umfangsmikil eiturlyfjasmygl í Evrópu, að sögn breska ríkisútvarpsins.

Pannunzi var handtekinn í verslunarmiðstöð í höfuðborginni Bogota í gær en hann hefur verið á flótta síðustu þrjú ár eftir að hann flúði úr fangelsi í Róm árið 2010.

Saksóknarar hafa nú þegar ákært hann fyrir að standa á bak við umfangsmikið smygl á kókaíni á milli Ítalíu og Kolumbíu.

Pannunzi þessi hefur oft verið kallaður hinn ítalski Pablo Escobar og er eftirlýstasti maður Ítalíu.