Þrír látnir og um 100 þúsund hafa flúið heimili sín vegna flóða

Að minnsta kosti þrír hafa látið lífið og eitt hundrað þúsund hafa þurft að flýja heimili sín vegna mikilla flóða í vesturhluta Kanada.

Mikil úrkoma hefur verið á svæðinu undanfarna daga og hafa ár flætt yfir bakka sína, skorið í sundur vegi og skemmt brýr. Ástandið er hvað verst í borginni Calgary í Alberta fylki en þar hefur íbúum verið skipað að yfirgefa heimili sín.

Stephen Harper forsætisráðherra heimsótti flóðasvæðin í gær en hann hefur lýst því yfir að stjórnvöld muni aðstoða þá sem hafa orðið fyrir tjóni vegna flóðanna.