Þurfum að endurskoða alla nálgun okkar á landsliðin

Knattspyrnustjórinn Harry Redknapp er ekki hrifinn af þróun enskrar knattspyrnu og telur að þörf sé á miklum breytingum.

Redknapp fer mikinn pistli sem birtist á sportsíðu enska dagblaðsins The Sun.

England er fallið úr leik á Evrópumóti U-21 en liðið komst ekki einu sinni upp úr sínum riðli.

„Það að enska landsliðið sé slegið út úr stórmóti á fyrsta stigi er að verða gömul saga,“ sagði Redknapp.

„Ég man þegar okkar efnilegu stjörnur féllu einnig úr leik á síðasta U-21 móti í Danmörku.“

Harry Redknapp spyr sig hvaða máli það skipti hvort vanti nokkra leikmenn í landsliðið, eru ekki til nægilega margir góðir leikmenn í Englandi sem eru gjaldgengir í þetta landslið?

„Við vorum samt með fullt af leikmönnum í okkar liði sem leika í ensku úrvalsdeildinni, þvílík niðurlæging fyrir okkar stráka. “

„Ég hef mikla ástríðu fyrir okkar landsliðum á öllum stigum og maður finnur mikið til þegar lið með svona marga frábæra einstaklinga nær ekki saman.“

„Það sem við getum lært frá þessum hörmungum er að enskur fótbolti þarfnast breytinga. Roy Hodgson verður að stíga fram sem landsliðsþjálfari aðalliðsins og móta ákveðna stefnu í allri nálgun leiksins.“

„Við kunnum ekkert í fótbolta lengur. Leikmenn þruma bara boltanum upp völlinn sem skilar okkur engu.“

„Þetta eru engir drengir. Við erum að tala um leikmenn á borð við Connor Wickham, Danny Rose, Wilfried Zaha, Jordan Henderson sem eru allir miklar stjörnur í ensku úrvalsdeildinni.“

„Það er spurning hversu margir leikmenn í norska U-21 landsliðinu og því ísraelska myndu komast í ensku úrvalsdeildina, þetta gengur bara ekki upp.“

„Vandamálið er að ensku landsliðin hafa enga stefnu og menn þekkja ekki sín hlutverk. Landsliðsþjálfara okkar vinna ekki eftir sömu leikreglum og stilla liðunum mismunandi upp, þetta hefur það í för með sér að leikmenn þekkja ekki sín hlutverk þegar þeir eru komnir í aðalliðið.“

„Ef við skoðum gullkynslóðina Steven Gerrard, Frank Lampard, John Terry, Wayne Rooney og Ashley Cole, þá eru fáar þjóðir sem geta státað sig af betri einstaklingum. Þessi leikmenn hafa aldrei blómstrað saman í landsliðinu og það er stóra vandamálið.“