Aron og Hjörtur sáu um Fjölni

Aron Elís Þrándarson gerði sér lítið fyrir og skoraði þrennu fyrir Víking í kvöld er liðið kjöldró Fjölni, 2-5, í 1. deildinni í kvöld.

Aron var ekki eini heiti leikmaðurinn á vellinum því gamli jálkurinn Hjörtur Júlíus Hjartarson skoraði tvö mörk og sýndi að hann hefur engu gleymt.

Ágúst Örn Arnarson skoraði bæði mörk Fjölnis.

Víkingur komst á topp deildarinnar með sigrinum, er með jafn mörg stig, sex, og BÍ/Bolungarvík og Haukar en BÍ á leik inni.

Fjölnir er með fjögur stig í fimmta sæti deildarinnar.