Svipti sig lífi eftir að ljósmyndir af hópnauðgun fóru á flug

Sautján ára gömul stúlka sem var nauðgað af fjórum mönnum svipti sig lífi í gær eftir að gerendurnir dreifðu ljósmyndum af árásinni.

Málið hefur vakið heimsathygli en það voru fjölmiðlar í Nova Scotia sem greindu fyrstir frá þessu.

Nauðgunin átti sér stað fyrir rúmum tveimur árum. Stúlkan, Rehtaeh Parsons, var þá fimmtán ára gömul.

Atvikið átti sér stað í heimahúsi í borginni Halifax þar sem hún og piltarnir fjórir sátu að sumbli. Parsons var dauðadrukkin þegar piltarnir nauðguðu henni. Þeir tóku jafnframt ljósmyndir.

Parsons var lögð í heiftarlegt einelti eftir árásina og svipti sig lífi eftir að nauðgararnir dreifðu ljósmyndunum milli skólasystkina sinna.

Móðir Parsons opinberaði við fjölmiðla að stúlkan hefði hengt sig.

Búið að opna minningarsíðu um Parsons á Facebook. Þúsundir manna minnast Parsons þar og votta fjölskyldu hennar samúð sína.