Fjölskylduharmleikur í Belgíu - þrjú ung börn fórust í flugslysi

Fimm fórust þegar Cessna flugvél hrapaði til jarðar á Charleroi-flugvellinum í Belgíu í suðurhluta landsins í dag.

Flugvellinum var lokað um tíma vegna slyssins. Flugvélin lenti í vandræðum stuttu eftir flugtak - snéri flugstjóri hennar því við og hrapaði hún við hlið flugbrautarinnar.

Belgískir fjölmiðlar greina frá því að hinir látnu séu úr sömu fjölskyldunni, þrjú ung börn, móðir þeirra og afi. Talið er að afinn hafi flogið vélinni.

Ekki er ljóst hvað olli slysinu en mikil þoka var á svæðinu.