Talandi vélmenni skotið út í geim

Japanir brutu blað í vísindasögunni í nótt þegar talandi vélmenni var skotið út í geim. Geimskotið fór fram á eyjunni Tanegashima í Norður-Japan.

Um borð eru vistir ásamt vélmenninu Kirobo en áfangastaðurinn er Alþjóðlega geimstöðin. Kirobo er 34 sentímetrar á hæð og rúmlega eitt kíló.

Markmið þessa smávaxna róbóta er að aðstoða geimfarann Kochi Wakata en hann mun taka við stjórnvölunum í geimstöðinni í nóvember. Samhliða því að miðla upplýsingum um geimstöðina til jarðar verður Kirobo starfsliði hennar til samlætis enda er meginmarkmið vélmennisins að veita geimförunum andlegan stuðning.