Sprengjumaður hljóp inn í hóp fólks sem var í kirkju

Að minnsta kosti 52 eru látnir og 40 eru særðir í Peshawar í Pakistan eftir sjálfsmorðsáraás fyrir utan kirkju í morgun.

Fjölmörg börn eru á meðal hinna látnu. Herskáir íslamistar eru taldir bera ábyrgð á ódæðinu en þeir hafa áður gert árásir á kristna íbúa Pakistan. Vitni segja að þegar fólk hafi verið að koma úr messu hafi sprengjumaður hlaupið á móti þeim. Í kjölfarið hafi tvær sprengjur sprungið og mun sú seinni hafa verið mun öflugri en sú fyrri.

Um eitt prósent Pakistana eru kristnir og hafa þeir lengi gagnrýnt stjórnvöld fyrir að berjast ekki harðar gegn öfgafullum múslimum sem hafa myrt mörg þúsund manns undanfarin áratug.