Google og Bing loka fyrir þúsundir klámfengra leitarorða

Tölvurisarnir Google og Microsoft, sem reka öflugustu leitarvélarnar á Internetinu, hafa ákveðið að taka höndum saman og koma í veg fyrir að notendur geti leitað að ólöglegu myndefni á borð við myndir sem sýna barnaníð.

Um hundrað þúsund leitarorð verða merkt þannig að þau skila engum niðurstöðum á leitarvélunum. David Cameron, forsætisráðherra Bretlands, fagnar þessari ákvörðun en hann hefur talað fyrir aðgerðum af þessu tagi.

Leitarvélarnar Google og Bing, frá Microsoft, eru nær einráðar á þessum markaði en níutíu og fimm prósent allra notenda á Netinu nota aðra hvora þessara forrita til að finna efni.