Kastað út úr flugvél læstur ofan í kistu

Bandarískur ofurhugi lenti heilu á höldnu eftir að hafa verið kastað út úr flugvél í rúmlega 4 kílómetra hæð, læstur ofan í kistu og járnaður á höndum.

Anthony Martin, 47 ára ofurhugi, framkvæmdi þetta stökk í Illinois, um 70 mílum suðvestur af Chicago. Stökkið þykir eitt það ótrúlegasta sem sögur fara af.

Lítil fallhlíf var fest á toppinn á kistunni áður en henni var fleygt út úr flugvélinni. Hún hrapaði síðan á um 200 kílómetra hraða á klukkustund í átt til jarðar.

Hendur Martins voru festar við belti sem hann bar um mitti sér og hægri hendi hans var fest við innra byrði kistunnar. Aðstoðarmenn Martins fylgdi kistunni eftir og sáu til þess að hún hringsnérist ekki í loftinu.

Sem betur fer tókst Martin að losa sig og lenti sem fyrr segir heilu á höldnu.