Nýjar nærbuxur koma í veg fyrir prumpulykt - Prumpið er frjálst

Shreddies er ný tegund af nærbuxum sem hafa verið hannaðar til þess að halda prumpulykt frá fólki. Nærbuxurnar eru útbúnar síu (e.filter) sem dregur stórkostlega úr prumpulykt. Þetta kemur fram á Gizmodo.



Þær eiga víst að virka svo vel, að jafnvel þeir sem gefa frá sér mjög vonda lykt geta prumpað áhyggjulausir, hvar sem er, enginn finnur lyktina. Allir geta nú prumpað eins og þeir vilja, prumpið er frjálst, segir á vef Gizmodo.

Shreddies eru gerðar úr þunnu og teygjanlegu efni sem kallast Zorflex. Efnið hefur hingað til verið notað í herfatnað. Sían fyllist þó á endanum og þá þarf að þvo hana svo hún haldi áfram að virka.

Á vefsíðu fyrirtækisins má sjá ýmsar gerðir af þessari nýju uppfinningu og kostar stykkið um 30 til 40 bandaríska dollara. Tengillinn á síðuna er: www.myshreddies.com.