Sex látnir og fjölda er saknað eftir að ferja sökk á Tælandi

Að minnsta kosti sex létust og fjölda er saknað eftir að ferja sökk undan strönd Pattaya á Tælandi í dag.

Fréttastofa Reuters segir að á meðal hinna látnu séu þrír Tælendingar og þrír erlendir ríkisborgarar en Pattaya er afar vinsæll ferðamannastaður.

Fregnir herma að um 200 manns hafi verið um borð í ferjunni og stendur björgunarstarf enn yfir.

Óttast menn að margir farþegar hafi lokast inni í ferjunni áður en hún sökk og því er talið að tala látinna eigi eftir að hækka.