Ekkert vopn til beittara menntun

Malala Yousafzai, sextán ára pakistanska stúlkan sem lifði það af að vera skotin í höfuðið af talíbönum í Pakistan í október 2012, opnaði formlega stórt bókasafn í Birmingham í gær.

Malala, sem er baráttukona fyrir rétti stúlkna til menntunar, býr nú þar. Þangað var hún flutt eftir skotárásina og segir hún því Birmingham sérstaklega hjartfólgna sér.

Malala ávarpaði hópinn, en um þúsund manns komu saman vegna opnunarinnar. Sagði hún ekkert vopn beittara en menntun og engin betri uppspretta menntunar en hið skrifaða orð. Jafnframt sagðist hún vona að bókasöfn, líkt og það sem hún opnaði formlega, mætti að lokum finna í hverju heimshorni.