Þráðormur í líkama Ríkharðs III

Vísindamenn og meinafræðingar hafa komist að því að líklega var Ríkharður III sýktur af sníkjudýri í lifanda lífi, þráðormi sem sest að í líkamanum og getur orðið allt að 33 sentímetrar að lengd.

Fyrir ári var beinagrind þessa fyrirlitna einvalds Englands grafin upp þar sem hún lá undir bílastæði í Leicester og hafa vísindamenn uppgötvað egg þessa snýkjuorms við beinin en engin ummerki eru um orminn annars staðar en í náumunda við miðsvæði beinagrindarinnar.

Ekki er á það bætandi hvað varðar arfleif Ríkarðs, sem í mörgum sögubókum og verkum Shakespears er ekki upp á marga fiska; hann þótti flár og holdgerðist það í helti og herðakistli krypplingsins Ríkarðs. Þessi uppgötvun telst ekki bæta þá ímynd, að fremur viðbjóðslegur sníkjuormur hafi herjað á líkama hans.