Erlent

Mikill viðbúnaður í Oakland - sex sagðir látnir

Frá vettvangi í Oakland.
Frá vettvangi í Oakland. mynd/AP
Enn er mikill viðbúnaður við Oikos-háskólann í Oakland í Bandaríkjunum. Lögreglan hefur handtekið karlmann sem grunaður er um árásina.

Samkvæmt fréttamiðlum í Bandaríkjunum voru fimm sjúkrabílar kallaðir til eftir skotárásin hófst. ABC fréttastofan greindi frá því að sex hafi látist í árásinni.

Fregnum af atburðinum ber þó ekki saman - nokkrir fjölmiðlar segja að 4 hafi látist á meðan aðrir halda því fram að fimm hafi fallið.

Að minnsta kosti átta særðust og voru fjórir fluttir á spítala.

Vitni segja að árásarmaðurinn hafi gengið inn í kennslustofu í Oikos-háskólanum og skotið að handahófi á nemendur.

Maðurinn er sagður vera kóreumaður á fimmtugsaldri. Ekki er vitað hvort að maðurinn hafi verið nemandi við skólann.

Oikos er kristilegur skóli. Þar er kennd guðfræði, tónlistarfræði og hjúkrun.


Tengdar fréttir

Fimm látnir í Oakland - árásarmaðurinn í haldi

Lögreglan í Oakland hefur haft hendur í hári mannsins sem hóf skotárás í kristilegum skóla fyrir stuttu. Samkvæmt AP fréttastofunni eru að minnsta kosti fimm látnir. Þá eru nokkrir særðir og hafa fjórir verið fluttir á spítala.

Fimm særðir eftir skotárás í Oakland

Mikill viðbúnaður er við Oikos-háskólann í Oakland í Bandaríkjunum. Að minnsta kosti fimm eru sárir eftir skotárás í skólanum.

Að minnsta kosti einn látinn í Oakland

Að minnsta kosti einn er látinn og átta særðir eftir skotárás í skóla í Oakland í Bandaríkjunum. Fjórir hafa verið fluttir á spítala.

Mest lesið


Fleiri fréttir

Sjá meira


×

Mest lesið