Feneyjaborg heldur áfram að sökkva

Nýjar gervihnattamælingar sýna að Feneyjaborg á Ítalíu heldur áfram að sökkva en frekar lítið milli ára eða um tvo millimetra.

Mikil dæling á grunnvatni úr jarðveginum undir borginni á síðustu öld olli því að borgin tók að sökkva á miklum hraða. Gunnvatnsdælingunni var hætt um síðustu aldamót og kom það í veg fyrir að borgin héldi áfram að sökkva.

Borgaryfirvöld eru að byggja umfangsmiklar flóðavarnir í borginni sem eiga að vera tilbúnar árið 2014. Hinar nýju gervihnattamælingar munu koma að góðum notum við þá vinnu.