Fimmti hver Svíi trúir á drauga

Ný könnun leiðir í ljós að fimmti hver Svíi trúir á drauga eða að fólk geti gengið aftur eftir andlátið.

Jafnframt sýnir könnunin að ýmiskonar kukl og galdratrú er aftur að ná vinsældum meðal Svía. Könnunin sýnir að svipað hlutfall Svía, eða um 20%, trúir því eða hefur á tilfinningunni að það hafi upplifað nálægð draugs.

Þessi trú á drauga minnkar með aldrinum hjá Svíum og aðeins 13% þeirrra sem eru komnir yfir 65 ára aldurinn trúa á dauga. Þá kom í ljós að nokkuð fleiri konur en karlmenn trúa á drauga.