Whitney á hvíta tjaldinu í síðasta sinn í sumar

Bíómynd með Whitney Houston í aðalhlutverki verður frumsýnd í sumar en söngkonan dáða lést um helgina. Myndin Sparkle er endugerð myndar sem bar sama nafn og kom út árið 1976 og var ein af uppáhaldsmyndum Houston. Í myndinni leikur Whitney móður þriggja systra sem hafa slegið í gegn og takast á við erfiðleika sem frægðinni fylgja.

Houston sló rækilega í gegn í myndinni The Bodyguard áið 1992 með Kevin Costner en hún hafði ekki sést á hvíta tjaldinu frá árinu 1996 þegar hún lék í The Preachers Wife.