Sun Myung Moon er látinn

Sun Myung Moon leiðtogi Einingarkirkjunnar í Suður Kóreu er látinn 92 ára að aldri. Banamein hans var lungnabólga.

Moon gerði kirkju sína að viðskiptalegu stórveldi á seinni hluta síðustu aldar og var einkum þekktur fyrir að gifta þúsundir manna í sömu athöfninni. Hann lá hinsvegar ætíð undir ásökunum um að þeir sem gengu í söfnuð hans væru heilaþvegnir og að söfnuðurinn væri ekkert annað en peningaprentvél fyrir hann sjálfan.

Einingarkirkjan hefur lýst yfir 13 daga sorgartímabili þar til Moon verður jarðsettur um miðjan mánuðinn.