Brasilískar brúðir vilja vera nærbuxnalausar

Brasilískur borgarfulltrúi hefur samið reglugerð þar sem konum er bannað að vera nærbuxnalausar við altarið þegar þær gifta sig. Maðurinn segir að þessi tíska hafi byrjað fyrir nokkrum árum og æ fleiri konur taki nú upp á þessu enda trúi þær því að hjónabandið endist lengur fyrir vikið.

Borgarfulltrúinn er ekki hrifinn og segir að þetta geti móðgað prestana sem framkvæma athöfnina. Þá leggur hann einnig til reglur sem takmarka hve fleginn brúðarkjóllinn geti verið. Prestur í bænum hefur reyndar þegar mótmælt lagasetningunni harðlega og spyr, hvernig eigi að framfyljgja henni.