Santorum kom, sá og sigraði í þremur prófkjörum

Rick Santorum kom sá og sigraði í prófkjörum Repúblikanaflokksins í Minnesota, Missouri og Colorado í nótt.

Þegar búið var að telja yfir helming atkvæða í Minnesota hafði Santorum náð 45% atkvæða, Ron Paul var í öðru sæti með 27% og Romney í þriðja sæti með 17%. Í Missouri þar sem búið er að telja nær öll atkvæði hlaut Santorum 56% atkvæða en Romney aðeins 25%.

Búið er að lýsa yfir sigri Santorum í Colorado þrátt fyrir að ekki sé búið að telja nema ríflega helming atkvæða. Þar mældist Santorum með um 40% fylgi.

Óhætt er að segja að úrslitin séu áfall fyrir Romney en talið var að hann myndi sigra örugglega í Colorado.