Slim enn auðugastur

Mexíkóski fjarskiptajöfurinn Carlos Slim Helu telst vera ríkasti maður heims, þriðja árið í röð, samkvæmt lista viðskiptatímaritsins Forbes. Alls er hann talin eiga 69 milljarða dala, en sú fjárhæð samsvarar 8.600 milljörðum króna eða ríflega fimmfaldri landsframleiðslu Íslendinga. Bandaríkjamennirnir Bill Gates og Warren Buffet eru í öðru og þriðja sæti listans, Gates með 61 milljarð dala og Buffet með 44 milljarða.

Alls eru það 1.226 einstaklingar sem að mati Forbes-tímaritið eiga meira en milljarð dala og komast því í hóp milljarðamæringa samkvæmt þeirri skilgreiningu. Þeim hefur fjölgað nokkuð frá síðasta ári. Flestir þeirra eru bandarískir, eða 425, en alls er milljarðamæringa að finna í 58 löndum heims. Næst á eftir Bandaríkjunum eru þeir flestir í Kína, þar sem þeir eru 96, og Rússlandi, þar sem þeir eru 95.- gb