Grátleg niðurstaða eftir hetjulega baráttu | Myndaveisla

Leikmenn íslenska karlalandsliðsins í knattspyrnu gengu svekktir af velli að loknu 3-2 tapi gegn Frökkum í Valenciennes í kvöld. Íslenska liðið var örfáum mínútum frá því að skrá sig í sögubækurnar en tvö mörk undir lokin gerðu út um þá skráningu.

Íslensku leikmennirnir börðust eins og ljón úti um allan völl í kvöld. Barátta þeirra pirraði frönsku leikmennina sem þurftu að hlusta á baul frá stuðningsmönnum sínum langt frameftir leik.

Með því að smella á myndina hér fyrir neðan má sjá myndaveislu frá ljósmyndurm AFP ljósmyndaveitunnar sem voru á leiknum í kvöld.