Loftsteinar frá Mars fundust í Marokkó

Afar sjaldgæfir loftsteinar, sem koma frá Mars, hafa fundist í Marokkó í Afríku. Um er að ræða nær sjö kíló af loftsteinum en slíkir steinar fundust síðast á jörðinni fyrir um 50 árum síðan eða 1962.

Steinarnir koma úr loftsteinadrífu sem skall á jörðinni fyrir um sex mánuðum síðan. Talið er að stórt smástirni hafi skollið á Mars fyrir milljónum ára og sendi þá þessa loftsteina á braut milli Mars og jarðarinnar en aðeins fimm sinnum í sögunni er vitað til að slíkir steinar hafi náð til jarðarinnar.

Steinarnir eru verðmætari en gull og kostar einn slíkur steinn allt að þrjár milljónir króna.