Fundu höfuð af manni undir Hollywood skiltinu

Afhoggið höfuð fannst á göngustíg sem liggur upp að hinu heimsfræga Hollywood skilti í hlíðunum fyrir ofan Los Angeles. Lögreglan í borginni reynir nú að finna út af hverjum höfuðið er en um mann á fimmtugsaldri er að ræða. Konur sem voru að viðra hundana sína gengu fram á höfuðið í gær.

Höfuðið fannst nærri þeim stað þar sem illa útleikið líkið af smástirninu Elizabeth Short fannst árið 1947.

Það mál leystist aldrei og hefur ávallt verið kennt við „Svörtu Dalíuna."