ÍA og KR mætast í bikarnum - þrír Pepsi-deildar slagir í 32 liða úrslitum

Það verða þrír Pepsi-deildar slagir í 32 liða úrslitum bikarkeppni KSÍ dregið var nú í hádeginu. Pepsi-deildarliðin tólf koma nú inn í bikarkeppnina en tuttugu lið stóðu eftir fyrstu þrjár umferðirnar. Stórleikur umferðarinnar er leikur ÍA og KR upp á Akranesi.

ÍA og KR drógust saman en Skagamenn unnu 3-2 sigur í frábærum leik í 2. umferð Pepsi-deildar karla á dögunum. Hinir Pepsi-deildar slagirnir í 32 liða úrslitunum eru leikur FH og Fylkis annarsvegar og leikur Keflavíkur og Grindavíkur hinsvegar. FH og Fylkir eru að mætast annað árið í röð í 32 liða úrslitunum en FH vann 3-2 sigur í Kaplakrika í fyrra.

Það vekur líka athygli að Víkingur Ólafsvík fær ÍBV í heimsókn en Magnús Gylfason þjálfari ÍBV og Brynjar Gauti Guðjónsson eru því á leiðinni á sinn gamla heimavöll.

Leikirnir í 32-liða úrslitunum fara fram 6 og 7. júní næstkomandi.

Þessi lið mætast í 32 liða úrslitunum:

Dalvík/Reynir - Reynir Sandgerði

Selfoss - Njarðvík

Þróttur Vogum - Afturelding

ÍA - KR

Víkingur Ó. - ÍBV

Fram - Haukar

Breiðablik - BÍ/Bolungarvík

Augnablik - Höttur

Leiknir R. - Þróttur

KFS - KB

KF/Þór - Valur

KA - Fjarðabyggð

FH - Fylkir

Keflavík - Grindavík

Víkingur R. - Fjölnir

Stjarnan - Grótta