Mikið breytt lið Man. Utd mátti sætta sig við að tapa á heimavelli gegn Cluj í kvöld. Það kom þó ekki að sök því United var búið að vinna sinn riðil.
"Það var undramark sem felldi okkur. Við áttum það ekki skilið því við vorum að skapa fullt af færum. Þegar maður fær samt svona mark á sig þá er ekki hægt að kvarta," sagði Sir Alex Ferguson, stjóri Man. Utd.
"Við vorum með ungt lið og mér fannst það standa sig vel á köflum. Völlurinn var frekar slappur út af frostinu en ég er samt sáttur við frammistöðuna.
"Við unnum riðilinn og komumst frekar þægilega áfram. Við vitum samt að alvöru mótið hefst í febrúar. Útsláttarkeppnin er stórkostleg."
Ferguson: Alvöru mótið hefst í febrúar
