Erlent

Sýklalyf á meðgöngu valda astma hjá börnum

Ný rannsókn sýnir að hættan á að börn fái astma eykst töluvert ef mæður þeirra nota sýklalyf eins og penisilín á meðgöngunni.

Það voru danskir vísindamenn sem unnu að þessari rannsókn en hægt er að fá upplýsingar um hana á vefsíðunni videnskap.dk. Niðurstöður hennar sýna að ef móðir hefur notað sýklalyf á meðgöngunni aukast líkurnar á að barn hennar fái astma um 20%. Það virðist ekki skipta neinu máli hvenær á meðgöngunni sýklalyfið er notað.

Hans Bisgaard yfirlæknir og prófessor í barnasjúkdómum við Kaupmannahafnarháskóla segir að allt bendi til þess að sýklalyfin trufli hina náttúrulegu bakteríuflóru móðurinnar. Þetta geri það svo að verkum að börnunum verður hættara við að fá astma en öðrum börnum.

Um mjög nákvæma rannsókn er að ræða og náði hún til yfir 30.000 barna í Danmörku, Í henni kemur einnig fram að því meira sem móðirin neytir af sýklalyfjum á meðgöngu sinni því meiri hætta verður á að barn hennar fái astma.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.