Tvö lið á Englandi vilja fá Llorente

Svo gæti farið að spænski landsliðsmaðurinn Fernando Llorente endi í ensku úrvalsdeildinni áður en félagaskiptaglugginn lokar um mánaðarmótin.

Umboðsmaður hans segir að eitt lið frá London og eitt lið frá Manchester hafi sýnt áhuga á að kaupa framherjann sem vildi ekki skrifa undir nýjan samning við Athletic Bilbao.

Þarna er væntanlega verið að tala um Man. City og líklega Tottenham.

Juventus er eftir sem áður talinn líklegasti áfangastaður þessa 27 ára gamla leikmanns.